Qostanaıda jedel-járdem kóligi aýdarylyp, birneshe adam jaraqat aldy
QOSTANAI. QazAqparat – Qostanaı qalasynda jedel-járdem kóligi aýdarylyp, birneshe adam zardap shekti, dep habarlaıdy QazAqparat.
Oblystyq densaýlyq saqtaý basqarmasynyń baspasóz hatshysy Ksenııa Jylqybaevanyń sózinshe, jol-kólik oqıǵasy búgin Baımaǵambetov-Táýelsizdik kósheleriniń qıylysynda bolǵan.
«Jedel-járdem qyzmeti ınfarktke shaldyǵý qaýpi bar patsıentti aýrýhanaǵa alyp bara jatqan. Kólik júrgizýshisi dabyl belgilerin qosqan. Alaıda, jol qılysyna shyqqan toı kortejiniń Hummer kóligi jedel-járdem qyzmetine soqtyǵysty. Oqıǵa saldarynan tórt adam zaqym aldy», -dedi K.Jylqybaeva.
Infarktke shaldyǵý qaýpi bar naýqas bas jaraqatyn alyp, aýrýhanaǵa jetkizildi. Jábirlenýshiniń jubaıy, kólik júrgizýshisi men feldsher jaraqattaný bóliminiń kómegine júgingen.
