Qostanaıda jazasyn óteýshi qonys kolonııasynan qashyp ketti
QOSTANAI. QazAqparat - Qostanaılyq tártip saqshylary túrmeden qashyp ketken 25 jastaǵy jigitke izdeý saldy, dep habarlaıdy QazAqparat oblystyq qylmystyq atqarý júıesi departamentiniń baspasóz qyzmetine silteme jasap.
6 maýsym kúni 1993 jyly týǵan Narıman Qabdysalıamov qylmys kolonııasynan qashyp ketken. Ol alaıaqtyq jasaǵany úshin qaýipsizdigi ortasha túzetý mekemesinde jazasyn ótep jatqan.
«Atalǵan fakt Qostanaı qalasy ІІB «Ońtústik» bólimi polıtseılerimen sot aldyndaǵy isterdiń biryńǵaı reestrine tirkeldi. QR QK 427-baby boıynsha sotqa deıingi tergep-tekserý sharalary bastaldy» delingen vedomstvonyń baspasóz habarlamasynda.
Іshki ister organdary qyzmetkerleri jazasyn óteýshiniń turǵylyqty mekenjaıyn anyqtaý úshin jedel-iz kesý sharalaryn júrgizip jatyr.
