Qostanaıda jazasyn óteýshi kolonııadan qashyp ketti
QOSTANAI. QazAqparat - Qostanaı oblysynda qonys kolonııasynan qashyp ketken Arman Jumanov izdestirilýde, dep habarlaıdy QazAqparat Qostanaı oblysy boıynsha QAJD baspasóz qyzmetine silteme jasap.
«2019 jylǵy 23 sáýirde keshke 1981 jyly týǵan jazasyn óteýshi Arman Bahıtuly Jumanov ÝK-161/11 (qonys-kolonııasy) qaýipsizdigi barynsha tómen mekemesinde qylmystyq jazasyn ótep júrgen kezde qashyp ketken. Ol osy mekemede jumysqa ornalasqan, erkin júrip-turý quqyǵyn paıdalana otyryp, jumys ornyn tastap, belgisiz baǵytta boı tasalaǵan», - delingen departamenttiń baspasóz habarlamasynda.
Qazirgi ýaqytta jazasyn óteýshiniń ornalasqan jerin anyqtaý boıynsha izdestirý is-sharalary júrgizilýde.
