Qostanaıda jaıaý júrginshini kólik qaǵyp, mert qyldy
QOSTANAI. QazAqparat — Qostanaıda jaıaý júrginshiler jolaǵynda áıeldi kólik qaǵyp, mert qyldy, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
Oqıǵa keshe keshkisin bolǵan. Zardap shegýshi aýrýhanaǵa jetkizilgenimen, dárigerler ómirine arasha bola almady.
«26 tamyzda Maıakovskıı kóshesiniń boıynda saǵat 17:00 shamasynda 61 jastaǵy júrgizýshi «Honda» kóligin tizgindep kele jatyp, rettelmeıtin jaıaý júrginshiler jolaǵymen joldan ótip bara jatqan 50 jastaǵy Qostanaı turǵynyn qaǵyp ketti. Jol-kólik oqıǵasy saldarynan áıel aýrýhanaǵa jetkizildi, alaıda ol keıin kóz jumdy», - dep túsindirdi Polıtsııa departamentinde.
Atalǵan fakti boıynsha qazir tergeý júrip jatyr.
