Qostanaıda jaıaý júrginshini kólik qaǵyp mert qyldy
QOSTANAI. QazAqparat - Qostanaı qalasynda joldy ruqsat etilmegen jerden ótken jaıaý júrginshini kólik qaǵyp ketti, dep habarlaıdy «QazAqparat» tilshisi Qostanaı oblystyq polıtsııa departamentiniń baspasóz qyzmetine silteme jasap.
«12 jeltoqsan kúni tańǵy saǵat 8-de Qostanaı qalasynyń Abaı kóshesinde «GAZ-3102» markaly kólikti tizgindep kele jatqan 23 jastaǵy júrgizýshi joldy ruqsat etilmegen jerden ótip bara jatqan jaıaý júrginshini qaǵyp ketti. Er adam alǵan jaraqattarynan oqıǵa ornynda kóz jumǵan», - dep habarlady polıtsııa departamentinen.
Atalǵan jol-kólik oqıǵasy boıynsha QK 345-babynyń 3-bólimimen (Jol qozǵalysy erejelerin buzý) sot aldyndaǵy tergeý amaldary bastaldy.
