Qostanaıda jaıaý júrginshini qaqqan júrgizýshi baǵanǵa soǵyldy
QOSTANAI. QazAqparat - Jol-kólik oqıǵasy Qostanaıdaǵy Drýjba kóshesinde bolǵan, dep málim etti oblystyq ІІD baspasóz qyzmeti.
«9 qazan kúni saǵat 12.40 shamasynda Drýjba kóshesindegi retteletin júrginshiler jolaǵynda 24-jastaǵy júrgizýshi «VAZ-21099» avtokóligimen 68-jastaǵy jaıaý júrginshini qaǵyp ketip, baǵanǵa soǵylǵan. Jol-kólik oqıǵasy saldarynan jaıaý júrginshi men júrgizýshi ár túrli jaraqattarmen aýrýhanaǵa jetkizildi», - delingen baspasóz habarlamasynda.
Qazirgi ýaqytta osy fakt boıynsha ákimshilik óndiris isi qozǵaldy. QR Ákimshilik quqyq buzýshylyq týraly kodeksiniń 610-babymen saraptama taǵaıyndaldy.
