Qostanaıda jaıaý júrginshini qaǵyp ketken kólik júrgizýshisi izdestirilýde
QOSTANAI. 13 naýryz. QazAqparat - Qostanaı qalasynyń polıtsııasy bir adamdy qaǵyp, jol-kólik apaty bolǵan jerden izin sýytqan júrgizýshiniń izdestirýde júrgeni týraly habarlama taratty.
Qostanaı oblysy ІІD basqarmasynyń basshysy Elena Kasharına málim etkendeı, 12 naýryzda shamamen saǵat 20.00-de Baımaǵambetov-Gvardeıskaıa kósheleriniń qıylysynda boljam boıynsha «Mersedes 180» markaly kóliktiń júrgizýshisi jol-kólik erejesin óreskel buza otyryp, baǵdarshamnyń qyzyl túsine qaramaı jaıaý júrginshini qaǵyp ketken. 28 jastaǵy qala turǵyny alǵan jaraqatynan oqıǵa ornynda kóz jumdy.
Aıta keteıik, bul jyl basynan beri Qostanaıda júrgizýshilerdiń jol-kólik apatynan keıin izin sýytqan toǵyzynshy oqıǵa.
