Qostanaıda jaıaý júrginshiler jolaǵynda oqýshyny kólik qaǵyp ketti

QOSTANAI. QazAqparat – Reseıde tirkeýde turǵan avtokólik júrgizýshisi jasóspirimdi qaǵyp ketti. Jol-kólik oqıǵasy búgin saǵat 14:00 shamasynda Qostanaıdaǵy Qobylandy batyr dańǵylynda boldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

«Reseıde tirkeýde turǵan «Vaz 2112» avtokóliginiń júrgizýshisi jaıaý ótpe jolda 13 jastaǵy jasóspirimdi qaǵyp ketip, oqıǵa ornynan jasyrynbaq bolǵan. Ony kýágerler ustap qaldy, olar apat ornyna polıtsııa shaqyrtty. Oqıǵa ornyna jetken avtopatrýl jol-kólik oqıǵasynyń qalaı bolǵanyn tirkep alady. Júrgizýshi ustaldy», - dep túsindirdi polıtsııadan.

Jasóspirimniń murny synyp, basqa da jaraqattar alǵan. Ol aýrýhanaǵa jetkizildi.

Polıtsııa málimetinshe, osy jyldyń basynan beri reseılik eseptegi kóliktermen 60 jol apaty boldy. Saldarynan 14 adam ajal qushyp, 66 adam zardap shekken.

Avtory Janna Musabaeva