Qostanaıda jasyryn jumys istep kelgen eki kazıno anyqtaldy
«QR Qarjy mınıstrligi Qarjy monıtorıngi komıtetiniń Qostanaı oblysy boıynsha Ekonomıkalyq tergeý departamenti qyzmetkerleri arnaıy maqsattaǵy «Qyran» bólimshesimen birlese otyryp, Qostanaı qalasynda eki jasyryn kazınonyń qyzmetin toqtatty. Túrli qumar oıyndardy uıymdastyrý jáne ótkizý úshin is fıgýranttary qala aýmaǵynda arnaıy oryndardy jalǵa alǵan. Kazıno uıymdastyrýshylary oıynǵa 10 000 teńgeden kem emes somaǵa fıshkalar satyp alǵan oıynshylardy ǵana qatystyrǵan», delingen vedomstvo habarlamasynda.
Tekserý barysynda pokerge jáne taǵy 6 qumar oıynyna arnalǵan ústel, kartalardyń 15 danasy, fıshkalar, beınejazbalary bar resıver, oıynǵa tigilgen mólsherlemeler týraly jazbalary bar jýrnal men bloknot, oıyn fıshkalary bar keıs, «Samsung» markasyndaǵy elektrondy planshet jáne aqshalaı qarajat anyqtalyp, tárkilendi.
Qazirgi tańda tergeý amaldary júrgizilýde.
