Qostanaıda jastar Prezıdentpen selfı jasady
QOSTANAI. QazAqparat - Qostanaılyq jastar Qazaqstan Prezıdentimen selfıge tústi, dep habarlaıdy QazAqparat tilshisi.
QR Prezıdentiniń baspasóz hatshysy Berik Ýálı Qostanaıda ótken Qazaqstan-Reseı jastarynyń forýmy aıasynda túsirilgen selfı sýretti Facebook paraqshasy arqyly bólisti.
Eske salsaq, Qasym-Jomart Toqaev Qostanaı oblysyna Qazaqstan-Reseı jastarynyń forýmyna qatysý úshin barǵan bolatyn. Forým aıasynda Memleket basshysy kórme stendterin aralap, bıznestiń áleýmettik jaýapkershiligi, memlekettik jastar saıasaty baǵytynda jasalyp jatqan jumystarmen, «Qazaqstan sulary» aktsııasymen jáne «Mensenemin» jobasymen tanysty.
Sapar aıasynda Qasym-Jomart Toqaev Qostanaı qalasynda ashylǵan iKomek ortalyǵyna bas suqty.
Forýmda sóz sóılegen Prezıdent 2020 jyldy Volonterlar qozǵalysynyń jyly dep jarııalaýdy qodaıtynyn aıtyp, «Jyl volonteri» halyqaralyq syılyǵyn taǵaıyndaýdy usyndy.
