Qostanaıda jasóspirim joǵaldy
QOSTANAI. QazAqparat - Qostanaı qalasynda 15 jastaǵy Mıhaıl Sohan izdestirilip jatyr, dep habarlaıdy QazAqparat.
Jasóspirimniń týysy Ekaterına Sharıfýllınanyń aıtýynsha, ol 12 aqpanda úıinen shyǵyp ketip, oralmaǵan. Ústinde qara sporttyq kýrtka, kók djıns shalbar, qarakók báteńke jáne qara tústi bas kıim bolǵan.
«Onyń joǵalyp ketýine otbasyndaǵy máseleler sebep boldy dep aıta almaımyn. Tek ol sońǵy kezderi sabaqtan kóp qaldy», - dedi Sharıfýllına.
Mıhaıl Sohannyń joǵalǵany týraly polıtseıler men jergilikti bilim bólimi habardar. Endi Ekaterına Sharıfýllına inisiniń mektebine baryp, muǵalimderi jáne synyptastarymen sóılespek.
