Qostanaıda jas jigit 1898 jylǵy «maýzermen» ustaldy
ASTANA. QazAqparat - Qostanaı oblysynyń jedel qyzmetkerleri 22 jastaǵy jigitten bir ǵasyrdan astam ýaqyt buryn shyǵarylǵan eski qarýdy tərkiledi, dep habarlaıdy «QazAqparat» HAA tilshisi.
Qostanaı oblysynyń ІІD qyzmetkerleri jyl basynan beri 20 myńǵa jýyq adamdy tekserip, azamattardan zańsyz ustap júrgen 540 qarýdy tərkilegen. Alynǵandardyń kóbi qysqa oqpandy, gaz, travmatıkalyq qarýlar. Dese de, olardyń arasynda tarıhı qarýlar da kezdesip jatatyn kórinedi. Məselen, reıd ótkizý kezinde qalanyń «Qostanaı - 2» aýdanynda 22 jastaǵy jigit ustalǵan. Onyń qolynda 7.62 kalıbrli tegisuńǵyly «Maýzer» markaly qarý bolǵan.
Qazirgi ýaqytta atalǵan is boıynsha QR QK 287-baby boıynsha qylmystyq is qozǵalyp sotaldy tergeý jumystary júrgizilip jatyr.
Qostanaı oblysynyń ІІD tərkilengen qarýlar quqyq qorǵaýshylardyń qatysýymen Rýdnyı qalasynda balqytylyp, joıylatynyn habarlaıdy.
