Qostanaıda jas qyzdyń ólimine jol bergen eki polıtseı sottaldy
QOSTANAI. QazAqparat - Qostanaı aýdandyq sotynda Darıa Mahartovanyń ólimine qatysty qylmystyq istiń otyrysy ótti, dep habarlaıdy QazAqparat tilshisi.
Buǵan deıin habarlaǵanymyzdaı, 20 shilde kúni saǵat 22.00 shamasynda Qostanaı oblysynyń Zatobol kentinde 18 jastaǵy Darıa Mahartova úıinen shyǵyp ketip, qaıtyp oralmaǵan. Keıinirek boıjetkenniń denesi orman alqabynan tabyldy. Іs materıaldarynda kórsetilgendeı, polıtseılerdiń óz mindetin durys atqarmaýynan kýágerler habarlaǵan qylmys orny jiti qaralmaı, Qostanaı AІІB jedel kezekshi kómekshisiniń nusqaýy elenbegen.
Nátıjesinde sot polıtseıler Almat Ermaqanov pen Rýslan Ryjevolovty QR QK 342-baby, 2-tarmaǵy boıynsha aıypty dep tanydy. Olarǵa 1 jyl 6 aıǵa bas bostandyǵynan aıyrý jazasy taǵaıyndaldy. Eks-polıtseıler jazasyn qaýipsizdigi tómendetilgen túzetý mekemesinde óteıdi. Sondaı-aq, memlekettik jáne quqyq qorǵaý qyzmetinen 3 jylǵa shettetildi.
Sot aıyptalýshylardyń óz kinásin moıyndaǵanyn, kámelet jasyna tolmaǵan balalarynyń bar ekenin eskerip, jazalaryn jeńildetti.
