Qostanaıda jarylys saldarynan eki jasóspirim zardap shekti
QOSTANAI. QazAqparat - Polıtsııa belgisiz zattyń jarylýynan eki jasóspirimniń jaraqat alý faktisi boıynsha sotaldy tergeý júrgizýde. Bul týraly oblystyń ІІD baspasóz qyzmeti habarlady.
«Tergeý barysynda petardaǵa uqsas zatqa saraptama júrgizilip, oqıǵanyń mán-jaıy anyqtaldy», - delingen habarlamada.
10 jáne 13 jastaǵy eki jasóspirim jaraqatpen oblystyq balalar aýrýhanasyna túskeni atap ótiledi.
Oqıǵa jaıly budan buryn áleýmettik jelilerdiń birinde belgili bolǵan. «Qostanaı qalasy qaıyrymdylar klýby» akkaýntynda jasóspirimder belgisiz zat taýyp alyp, petarda dep oılap, piltesin jaqqan. Jasy úlkeni jansaqtaý bóliminde jatyr, onyń saýsaǵyn kesip tastady, er balany qatty kúıik shalǵan.
