Qostanaıda jańadan salynyp jatqan úı qaq bólindi

QOSTANAI. QazAqparat - Qostanaıda jańadan salynyp jatqan kópqabatty turǵyn úıdiń qabyrǵasy sógilip ketti, dep habarlaıdy QazAqparat qalalyq ákimdiktiń baspasóz qyzmetine silteme jasap.

Qostanaı qalasyndaǵy «ıÝbıleınyı» shaǵynaýdanyndaǵy № 27 úı ortasynan qaq bólindi. Qurylysshylar munyń sebebin jerasty sýymen baılanystyrady.

«Turǵyn úı qasbetiniń jarylýy saldarynan qurylys jumystary 2018 jyldyń 11 maýsymy kúni toqtady. Merdigerler jaryqtyń kólemin anyqtaý jáne ony baqylap otyrý úshin arnaıy jýrnal júrgizdi. Sógilgen qabyrǵalarǵa jaryq belgileri ornatyldy. Tehnıkalyq zertteýler júrgizý úshin «Qazaq qurylys jáne sáýlet ǵylymı-zertteý jáne jobalaý ınstıtýty» aktsıonerlik qoǵamynan mamandar shaqyrtyldy. Sodan soń sheshim shyǵady», - deıdi qalalyq ákimdiktiń baspasóz hatshysy Almat Dosymhan.

Atalǵan turǵyn úıdiń merdigeri «Almaty qurylys» JShS mamandarynyń aıtýynsha, turǵyn úıdi qaıta qalpyna keltirý úshin 70 mln teńge kóleminde qarajat qajet.