Qostanaıda jańa ýaqytsha ustaý ızolıatory ashyldy
QOSTANAI. QazAqparat - Búgin Qostanaıda jańa ýaqytsha ustaý ızolıatory ashyldy, dep habarlaıdy QazAqparat.
Bul týraly oblystyq Polıtsııa departamentiniń basshysy Beket Aımaǵambetov Facebook-tegi paraqshasynda jazdy.
«Munda halyqaralyq standarttarǵa sáıkes barlyq jaǵdaılar jasalǵan. Polıtsııa qyzmetkerleri uzaq ýaqyt boıy ustalǵan azamattardy oblys ortalyǵynan 45 shaqyrym qashyqtyqta ornalasqan Rýdnyı qalasyndaǵy ÝUI-ǵa aparatyn. Bul tikeleı adam quqyǵyn saqtaýǵa qatysty másele. Quqyq qorǵaýshylar bul máselelerdi birneshe ret aıtqan bolatyn. Nátıjesinde jańa ızolıator salyndy. Arnaıy mekemede múmkindigi shekteýli azamattarǵa da jaǵdaı jasalǵan», dep jazdy Beket Aımaǵambetov.
Onyń aıtýynsha, ǵımarattyń qurylysy jergilikti atqarýshy bıliktiń qoldaýynyń jáne 2019-2021 jyldarǵa arnalǵan ishki ister organdaryn jańǵyrtý jónindegi Jol kartasy aıasynda iske asyrylǵan.
Jańa ÝUI-da bir ýaqytta 15 adamdy ustaýǵa múmkindik bar.
