Qostanaıda jańa Stýdentter úıi ashyldy
«Búgin Qostanaı qalasyndaǵy «Stýdenttik úı» jańa zamanaýı jataqhanasynyń ashylýyna qatystym.
Stýdenttik úı «Servıs KST» JShS kompanııasynyń jeke ınvestıtsııalary esebinen salyndy.
Jańa turǵyn úı kesheni zamanaýı jıhazdarmen, kitaphana, ashana, sport zaly, sanıtarlyq torap jáne kir jýatyn orynmen jabdyqtalǵan» dep jazdy ákim.
Bolashaqta munda monsha kesheni men mınımarket ashý josparlanýda. Jataqhana barlyq zamanaýı standarttarǵa saı.
«Stýdentterge arnap jaıly jataqhana salǵan jergilikti «Servıs KST» JShS kompanııasyna alǵysymdy bildiremin. Bul memleket pen bıznestiń ózara tıimdi yntymaqtastyǵynyń jaqsy úlgisi, sondaı-aq jastardyń bolashaǵyna salynǵan úlken kapıtal ekenin atap ótken jón», - dep túıindegen sózin oblys basshysy.
Foto: instagram.com/arkhimed_mukhambetov
