Qostanaıda jan túrshigerlik jol apatynan bir adam qaza tapty
ASTANA. QazAqparat - Qostanaı qalasynyń Leonıd Beda men Baımaǵambetov kóshesiniń qıylysynda eki kólik soqtyǵysyp, saldarynan er adam qaıtys boldy, dep habarlaıdy «QazAqparat» HAA tilshisi.
Oqıǵa 30 shilde kúni tańerteńgi saǵat 06:00 shamasynda bolǵan. Oblystyq ІІD baspasóz qyzmetiniń habarlaýynsha, «Lada Prıora» men «Lada Granta» avtokólikteri soqtyǵysqan.
«Jol-kólik oqıǵasy boıynsha QR QK 345-baby 3-bóligine sáıkes, sotqa deıingi tergeý amaldary júrgizilip jatyr. Polıtsııa qyzmetkerleri jol apatynyń anyq-qanyǵyn zertteýde. Birqatar saraptama jumystary taǵaıyndaldy», - dep habarlaıdy vedomstvodan.
Kólik apaty kezinde «Lada Granta» júrgizýshisiniń qabyrǵasy birneshe jerden synyp, aýrýhanaǵa jetkizilgen. Alaıda ony aman alyp qalý múmkin bolmaǵan.
Foto áleýmettik jeliden alynǵan
