Qostanaıda jalǵan eýro jasaǵandar ustaldy
QOSTANAI. QazAqparat - Qostanaı oblysynda 19500 eýro jalǵan aqsha jasaǵan uıymdasqan bir top qylmysker ustaldy, dep habarlaıdy QazAqparat QR Qarjy mınıstrliginiń baspasóz qyzmetine silteme jasap.
Qostanaı oblysy Ekonomıkalyq tergeý departamentiniń jedel ázirleý nátıjelerine súıensek, oblys aýmaǵynda aldyn ala sóz baılasý arqyly jalǵan valıýta qarajatyn ótkizýmen aınalysqan bir top tulǵalar anyqtaldy.
«Ustaý kezinde qylmyskerlerden 223 000 RF rýbli, sondaı-aq 8 000 000 teńge tárkilendi.
Qylmystyq top barlyǵy 19 500 EURO ótkizgen. Saraptama qorytyndysyna sáıkes, valıýtalyq qarajattyń jalǵan ekeni anyqtaldy»,- delingen vedomstvonyń baspasóz habarlamasynda.
Osy fakti boıynsha QR Qylmystyq kodeksiniń 231-babynyń 2-tarmaǵy «Jalǵan aqsha nemese baǵaly qaǵazdar daıyndaý, saqtaý, alyp ótý nemese ótkizý» jáne QR Qylmystyq kodeksiniń 190-babynyń 3-tarmaǵy «Alaıaqtyq» boıynsha sotqa deıingi tergep-tekserý materıaldary tilkeldi.
Qostanaı qalasynyń soty kúdiktilerge qatysty bultartpaý retinde qamaýda ustaý sharasyn sanktsııalady. Endi bulardyń basqa qylmystarǵa qatystylyǵy boıynsha tergeý júrgizilýde.
