Qostanaıda jaǵdaı turaqtalǵansha, 3 myńnan astam oqýshy qashyqtan bilim alady - vıtse-mınıstr

QOSTANAI. QazAqparat – Qostanaı oblysynda órt jaǵdaıy turaqtalǵanǵa deıin 3 myńnan astam oqýshy onlaın oqıdy. Bul týraly atalǵan óńirge barǵan oqý-aǵartý vıtse-mınıstri Ǵanı Beısembaev málimdedi, dep habarlaıdy QazAqparat tilshisi.

«Jaǵdaı turaqtalǵansha, oblysta 3 myńnan astam oqýshy qashyqtan bilim alady. Bul úshin shtab qyzmetkerleri bilim basqarmasynyń ókilderimen birge barlyq tıisti jaǵdaıdy jasaıdy. Kómekke muqtaj balalar mektepte, olardyń densaýlyqtaryna da eshqandaı qaýip tónip turǵan joq», - dep atap ótti oqý-aǵartý vıtse-mınıstri Ǵanı Beısembaev.

Oqý-aǵartý mınıstrligi evakýatsııalanǵan balalardy bilim alý jáne turý úshin tolyq jaǵdaı jasalǵan «Baldáýren» respýblıkalyq oqý-saýyqtyrý ortalyǵyna jiberýdi usyndy. Vedomstvo dereginshe, mundaı tájirıbe buryn bolǵan tótenshe jaǵdaılar kezinde qoldanylǵan.

Sonymen qatar, Qostanaı oblysynda balalarǵa kómek kórsetetin jedel shtab jumys istep jatyr. Balalarǵa jedel kómek kórsetý maqsatynda mınıstrlik táýlik boıy jumys isteıtin senim telefondaryn iske qosty: «Bala qorgau» telegram-chaty 8 776 170 73 83, [phone], [phone].