Qostanaıda zeınetkerlerdi aldaǵan jalǵan polıtseı qolǵa tústi
QOSTANAI. QazAqparat - Qostanaı aýdanyndaǵy Zatobol jáne Maıkól eldi mekenderiniń eki zeınetkeri polıtseı bolyp kıingen alaıaqtyń qurbanyna aınaldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Qostanaı aýdanynyń polıtsııa bólimine aqshasyn jymqyrǵan alaıaqqa qatysty shaǵym túsken. Jedel-izdestirý sharalary barysynda 27 jastaǵy er adam kúdikke ilindi. Ol zeınetkerlerdiń avtokólikpen júrý baǵytyn bilip alyp, polıtseı formasynda qarııalarǵa kelip, olardyń jol qozǵalysy erejesin buzǵanyn aıtyp, jazaǵa tartpaý úshin aqsha suraǵan. Japa shegýshiler jalǵan polıtseıge 300 myń teńgeden astam aqsha sanap bergen.
«Zeınetkerlerdiń biri alaıaq aqshany alysymen úılerdiń arasymen qashyp ketkenine kýá bolady. Bul kórinis onyń kúdigin týrdyryp, dereý polıtsııaǵa qońyraý shaldy», - deıdi vedomstvonyń baspasóz qyzmetindegiler.
Qazirgi ýaqytta zeınetkerlerdi birneshe márte aldaǵan jalǵan polıtseıge qatysty tergeý amaldary júrgizilýde.
