Qostanaıda zeınetker joǵalyp ketti
QOSTANAI. QazAqparat - Qostanaı oblysynda 79 jastaǵy zeınetker joǵalyp ketti, dep habarlaıdy QazAqparat oblystyq ІІD baspasóz qyzmetine silteme jasap.
Meńdiqara aýdandyq polıtseıleri Zatobol eldi mekeniniń turǵynyna izdeý saldy. 79 jastaǵy Ahmetjan Zaıyrbaev 8 sáýir kúni saǵat 8:00 shamasynda Borovskoı aýylyndaǵy tanysynyń úıinen shyǵyp ketken.
«Onyń boıy - 160-165 sm, aryq deneli. Shashy qysqa, qara tústi. Oń jaq qabaǵynyń ústinde tyrtyq bar. Ústine qara dýblenka jáne qysqy bas kıim kıgen. Osyǵan deıin ınsýlt alǵan. Zeınetker týraly áldebir aqparatqa ıe bolsańyz, «102» nómirine habarlasyńyzdar», - delingen oblystyq ІІD taratqan habarlamada.
