Qostanaıda zaýyt órtendi
QOSTANAI. QazAqparat - Qostanaıdaǵy aýyl sharýashylyǵy tehnıkalaryn qurastyratyn «Agrotehmash» JShS ǵımaraty órtke orandy, dep habarlaıdy QazAqparat tilshisi.
Oqys oqıǵa búgin saǵat 07:30-der shamasynda bolǵan.
«Gagarın kóshesindegi «Agrotehmash» JShS ǵımaratynan órt shyqty. Qoımadaǵy aǵash qabyrǵalar, jylytqysh materıaldar, tóbe jabynǵysy janyp ketken. Qoıma basshysy bólmesindegi jıHazdar, kompıýterler men qujattar da órtendi. Oqıǵa ornyna jeke quramnyń 11 qyzmetkeri jumyldyryldy», - dep habarlady oblystyq TJD baspasóz hatshysy Merýert Balǵına.
Vedomstvo málim etkenindeı, órttiń sebepteri anyqtalǵan joq. Jalyn 10 metr aýmaqty sharpyǵan. Zardap shekkender joq. Órt saǵat 08:09-da tolyǵymen sóndirildi.
