Qostanaıda zańsyz dızel otynyn satqan uıymdasqan qylmystyq top ustaldy
QOSTANAI. QazAqparat - Taran aýdanynda zańsyz dızel otynyn satqan uıymdasqan qylmystyq top quryqtaldy, dep habarlaıdy QazAqparat oblystyq sottyń baspasóz qyzmetine silteme jasap.
Belgili bolǵandaı, oblys turǵyny A.Tólepov 2017 jylǵy qańtar-maýsym aılary aralyǵynda uıymdasqan qylmystyq topty basqardy.
«Tólepov qylmystyq pıǵylyn júzege asyrý maqsatynda týysy Hamıtov jáne tanysy Mıtrofanovpen birigedi. Olar zańsyz aqsha tabý jolyn izdegen», - delingen vedomstvonyń baspasóz qyzmeti habarlamasynda.
Osylaısha, olar 49 110 lıtr dızel otynyn qoldy qylǵan. Shyǵyn kólemi - 6,8 mln teńge.
Sot úkimimen A.Tólepov 7 jylǵa, A.Hamıtov 5,6 jylǵa, al N.Mıtrofanov 5 jylǵa bas bostandyǵynan aıyryldy. Úsheýiniń múlikteri tárkilenip, jazalaryn qaýipsizdigi ortasha túzetý mekemesinde óteıdi.
