Qostanaıda ystyq sý berý toqtatylady

QOSTANAI. QazAqparat - Tamyz aıynyń ekinshi jartysynda Qostanaı qalasynda ystyq sý berý toqtatylady, dep habarlaıdy QazAqparat alau.kz silteme jasap.

«Qostanaı jylytý-energetıkalyq kompanııasy» memlekettik kommýnaldyq kásipornynyń málimdeýinshe, qalada jylytý maýsymyna daıyndyq aıasynda, magıstraldyq jylý berý jelileri jóndeledi jáne olardyń joǵary qysymǵa daıyndyǵy tekseriledi.

13-27 tamyz aralyǵynda jylý kózderi qondyrǵylarynyń jumysy toqtatylady. Osyǵan baılanysty, «QJEK» MKK qala turǵyndarynan jerústi jylý qubyrlaryna jaqyn kelmeýin suraıdy.

Atap aıtqanda, 14-15 tamyzda JEO-ǵa qosylǵan jylý berý jelilerinde (ortalyq); 16 tamyz kúni №2 qazandyqqa qosylǵan jylý berý jelilerinde (qalanyń soltústik bóligi); 17 tamyzda №3qazandyqqa qosylǵan jylý berý jelilerinde (qalanyń ońtústik bóligi) synaq júrgiziledi.