Qostanaıda Ybyraı Altynsarın kesenesi ashyldy
Sharaǵa Qostanaı oblysynyń ákimi Arhımed Muhambetov, aýdandar men qalalardyń ákimderi, oblystyq basqarmalar men departamentter basshylary, eńbek ardagerleri qatysty. 
Aldymen, uly ustazdyń rýhyna quran baǵyshtaldy. Oblys əkimi uly aǵartýshy kesenesiniń jańartylýyna 81 mln teńge kóleminde qarjy bólingenin aıtty.
"Jaqynda Keıki batyr, Shaqshaq Jənibek kesenelerin ashtyq. Al Ybyraı Altynsarın kesenesiniń ashylýy - bıylǵy jyly júrgizilip jatqan rýhanı sharalardyń bir parasy. Bul qarajatqa keseneni jóndeý jáne sol aımaqty abattandyrý qarastyrylǵan. Keleshekte kesene mańaıynda jańa saıabaq paıda bolady. Keseneniń merdigeri Mańǵystaý restavratsııalyq kompanııasyna alǵys aıtamyn",- dedi Arhımed Muhambetov.
Munan soń mektep oqýshylary Y.Altynsarın óleńderin jatqa oqydy.
"Shyn máninde uly istiń kýəsi bolyp otyrmyz. Ybyraı babamyz qazaq bilim-ǵylymynyń damýyna zor úles qosty. Oǵan degen qurmetimiz sheksiz. Bıyl rasynda da tarıhqa taǵzym etý jyly bolyp tur. Mavzoleıdiń jańa keıipke enýi sony bir dəleli", - dedi oblystyq ardagerler keńesiniń tóraǵasy K.Úkiuly.
Sharalar legi E. Ómirzaqov atyndaǵy oblystyq fılarmonııadaǵy «Týǵan jer - Týǵan el": bilim berý júıesin damytý basymdylyǵy» taqyrybyndaǵy ǵylymı-praktıkalyq konferentsııamen jalǵasady. Jıynǵa oblystyq máslıhattyń, ákimdiktiń, «Nur Otan» partııasy fılıalynyń ókilderi, basqa da múddeli memlekettik organdar, oblystyń joǵary oqý oryndarynyń rektorlary, pedagogıkalyq qoǵam qatysady dep kútilýde. 
Sondaı-aq, «Tobyl» meıramhanasynda oblys ákiminiń pedagogtarmen kezdesýi ótedi.
