Qostanaıda volonter jastar joǵalǵan adamdar týraly saıt ashpaq
Ǵımarat janyndaǵy front-keńsede departament bastyǵynyń orynbasarlary turǵyndardy qabyldap, zańdy kómek kórsetti. Sonymen qatar, bul shara oblysqa qarasty aýdan men qalalardaǵy polıtsııa bólimshelerinde de jalǵasyn tapty. Front-keńselerge barlyǵy 87 azamat keldi. Bul joly problemalyq máselelerdi sheshýmen qatar, azamattardan polıtsııamen yntymaqtastyq jónindegi usynystar kelip tústi. Mysaly, volonterlik izdestirý jasaǵynyń músheleri Irına Karpenko men ıAna Malıar polıtsııa departamenti bastyǵynyń orynbasary polkovnık Janbolat Oljabaevqa oblysta joǵalyp ketkenderdi izdestirý boıynsha saıt ashý jóninde usynys jasady. Erikti jastar birneshe jyl boıy iz-túzsiz joǵalǵan adamdardy polıtseılermen birge izdestirip keledi.
«Osy ýaqytqa deıin bizdiń tikeleı qatysýymyzben oblys boıynsha úıinen qashyp ketken jıyrmaǵa jýyq jasóspirim tabyldy. Biz árdaıym olardyń týystarymen baılanystamyz», - dep atap ótti Irına Karpenko.
Polıtsııa polkovnıgi J. Oljabaev mundaı ınternet-resýrsty ashý týraly ıdeıany qoldap, osy baǵyttaǵy birlesken jumys jaqsy nátıje beretinin atap ótti. Polıtsııa qyzmetkerleri jyl basynan beri izdeýde júrgen 30 adamnyń 25-in taýyp úlgerdi. Mundaı jeke resýrs azamattardyń ótinishterine jedel áreket etýge jáne eriktilerdiń jumysyn úılestirýge kómektesetini anyq.
Front-keńsede departament bastyǵynyń orynbasary, polıtsııa polkovnıgi Qaırat Dúıembekovke Qostanaı qalasynyń turǵyny Berik Qojahmetov kómek surap keldi. Ol byltyr avtokóligin satyp, satyp alýshydan qalǵan qarjysyn ala almaı júr. Sáıkesinshe kináli azamatty jaýapqa tartyp, tıisti qarjysyn alýǵa járdemdesýdi surady. Atalǵan máselege baılanysty aryz jazylyp, istiń tergelýine túsinikteme berildi.
«Aýyl-aımaqtaǵy azamattardyń máselesine erekshe nazar aýdaryldy. Mysaly, Fedorov aýdanynyń polıtsııa bóliminiń front-keńsesine kent turǵyny Ekaterına Kremer júgindi, ol uıaly telefonyn joǵaltyp alǵan. Fedorov polıtsııa bólimi bastyǵynyń orynbasary Rústem Baımýrzın joǵalǵan zattardy izdestirý boıynsha túsinikteme berip, múlkinin dereý tabylýyna barynsha kúsh salynatynyn aıtty», - deıdi polıtsııa departamenti bastyǵynyń BAQ-pen ózara is-qımyl jónindegi keńesshisi Elena Kasharına. 
Polıtsııa front-keńselerdegi qyzmet 2019-2021 jyldarǵa arnalǵan ІІO jańǵyrtý boıynsha Jol kartasyn iske asyrý jáne halyqqa memlekettik qyzmet kórsetý kezinde qyzmet kórsetýdiń servıstik modeline kóshý sheńberinde júrgiziledi. Jalpy, osymen úsh ret ótken qabyldaýda polıtsııa kómegine 200-den astam azamat júgingen.