Qostanaıda veterınarlar turǵyndardan zańsyz aqsha alyp kelgen

QOSTANAI. QazAqparat - Qarabalyq aýdanynyń veterınarııa mamandary anyqtama qaǵazy úshin turǵyndardan zańsyz aqsha alyp otyrǵan, dep habarlaıdy QazAqparat.

Aqparatty Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamenti rastady.

«Qarabalyq aýdanynyń mal dárigerleri uzaq ýaqyt boıy turǵyndardan veterınarııalyq anyqtamany berý úshin aqsha alyp kelgen. Alaıda, qoldanystaǵy normalarǵa sáıkes, anyqtamalar berý tegin júrgiziledi. Negizsiz alynǵan qarajattyń jalpy somasy 269 000 teńgeni qurady», - dedi vedomstvonyń baspasóz hatshysy Aıda Bajırova agenttik tilshisine.

Qarabalyq aýdany ákimdigi men agenttik qyzmetkerleri veterınarııa bóliminiń jumysyn tekserdi. Qazirgi ýaqytta zańsyz alynǵan qarajatty halyqqa qaıtarý boıynsha jumystar júrgizilýde.