Qostanaıda valıýta aıyrbastaý pýnktinen 392 myń dollar urlaǵan kúdikti ustaldy
ASTANA. QazAqparat - Qostanaıda valıýta aıyrbastaý pýnktinen 392 myń dollar urlaǵan kúdikti ustaldy. Bul týraly búgin QR Іshki ister mınıstrliginiń resmı ókili Almas Sadýbaev aıtty, dep habarlaıdy QazAqparat tilshisi.
«Qostanaıda valıýta aıyrbastaý pýnktinen 392 myń AQSh dollaryn urlap ketken qala turǵynyn ustady. Ustalǵan kúdiktiniń páterin tintý barysynda «AK-103» avtomaty men onyń oqtary tabylyp tárkilendi», - dedi Almas Sadýbaev.
Munan bólek, Almaty oblysynyń Jambyl aýdanynda Túrkistan oblysynyń turǵyny ustaldy. Ony Almaty qalalyq ІІD Ekstremızm kúres jáne krımınaldyq polıtsııa basqarmasynyń qyzmetkerleri qaladaǵy JShS-lerdiń birinen 8 mln teńgege jýyq qarajatty urlap ketkeni úshin tutqynǵa alǵan.
