Qostanaıda uıymdasqan qylmysqa qarsy kúres basqarmasynyń qyzmetkeri ustaldy
QOSTANAI. QazAqparat - Qostanaı oblystyq ІІD uıymdasqan qylmysqa qarsy kúres basqarmasynyń qyzmetkerine qatysty tekserý bastaldy, dep habarlaıdy QazAqparat tilshisi vedomstvonyń baspasóz hatshysy Irına Bejenarǵa silteme jasap.
«Ol jumystan tys ýaqytta jeke avtokóligin mas kúıde basqarý kezinde ustaldy. Qazir jeke qaýipsizdik qyzmetkerleri osy fakti boıynsha qyzmettik tekseris bastady», - dep málimdedi Irına Bejenar.
Onyń aıtýynsha, eger qyzmetker aıypty dep tanylsa, mindetti túrde jazaǵa tartylady.
Jergilikti BAQ-ta UQKB qyzmetkeri 16 naýryzdan 17-sine qaraǵan túni ustalǵany týraly habar taraǵan. Oqıǵa ornynda polıtsııa jazǵan hattamaǵa qaraǵanda, ol «010» nómirli TOYOTA avtomobılin basqarǵan.
