Qostanaıda úılerge QR-kodtar ornatylmaq
Bıyl «Smart city» jobasy aıasynda Qostanaıdaǵy kópqabatty úıler men áleýmettik nysandardyń ǵımarattaryna QR-kodtar ornatylady. Turǵyndar atalǵan kodtar arqyly nysannyń tarıhyn, poshtalyq ındeksin bile alady. Sondaı-aq, ár úıge bekitilgen ýchaskelik polıtseı men dárigerdiń esimderi jazylǵan.
«Bul jobanyń quny 18 mln teńgege jýyqtap otyr. Osy jyldyń qyrkúıek aıyna deıin qaladaǵy 1100 kópqabatty úı men áleýmettik nysandarǵa arnaıy kodtardy engizemiz. Buǵan qosa qalanyń «Aqyldy kartasy» jasalady. Bunda kóshelerdiń tizbegi, kommýnıkatsııalar men ǵımarattar kórsetilip turady. «Aqyldy karta» aldaǵy eki jyl ishinde tolyqtaı jasalynyp, paıdalanýǵa beriledi»,-dedi B. Jaqypov.
«Smart city» jobasynyń taǵy bir baǵyty qoǵamdyq kólikterde paıdalanady. Endi avtobýstarda júrý úshin jol aqysy qolma-qol aqshamen emes, «Ońaı» elektrondy kartasy arqyly tólenedi. «Biz Almaty qalasynyń tájirıbesine súıenip, avtobýstarǵa elektrondy bılet engizýdi qolǵa almaqpyz. Qazir mamandar jolaýshylar kóliginiń qyzmeti jóninde monıtorıng jasap jatyr. Bul turǵyda turǵyndardyń pikiri mańyzdy. Barlyǵy josparly túrde iske assa, «Ońaı» kartasy jaqyn arada-aq jolaýshylar ıgiligine beriledi», - dep habarlady qala ákimi.
Jıynda belgili bolǵandaı, bıyl «Aqyldy baǵdarsham» jobasy da engiziledi. Atalǵan baǵdarsham úsh rejimde bolady. Olar: tańǵy, keshki jáne túngi. Qala ákimi aıtqandaı, osy rejimder arqyly elektr energııasyn paıdalaný qazirgiden 30%-ǵa deıin únemdelmek.