Qostanaıda úı órtenip, ıesi kóz jumdy
QOSTANAI. QazAqparat - Qostanaıdaǵy Krasnopartızanskıı kóshesinde jeke turǵyn úı órtendi, dep habarlaıdy QazAqparat oblystyq TJD baspasóz qyzmetine silteme jasap.
Vedomstvodan málim etilgendeı, órt Krasnopartızanskıı kóshesindegi №44 úıde bolǵan.
«Órt saldarynan 52 jastaǵy úıdiń ıesi qaza boldy. Úıdiń tóbe jabyndysy men qabyrǵalary, jıHazdar janyp ketti. Jalyn 20 sharshy metr aýmaqty qamtydy. Úı aýmaǵynan bir gaz ballony oqshaý jerge kóshirildi», - delingen TJD baspasóz qyzmeti habarlamasynda.
Tótenshe oqıǵa ornyna qaladaǵy №1 órt sóndirý bóliminiń qyzmetkerleri jumyldyryldy. Órttiń shyǵý sebepteri anyqtalyp jatyr.
