Qostanaıda úı órtenip, bir áıel kóz jumdy
QOSTANAI. QazAqparat - Áýlıekól aýdanynda jeke turǵyn úı órtenip, odan áıel adamnyń máıiti tabyldy, dep habarlaıdy QazAqparat tilshisi.
Aqparatty oblystyq TJD baspasóz qyzmeti rastady. Órt aýmaǵy 70 sharshy metrdi quraǵan.
«Áýlıekól aýdany TJ bólimine turǵyn úıdiń órtenip jatqany týraly habar tústi. Oqıǵa ornynan 54 jastaǵy áıel adamnyń múrdesi tabyldy. Keıinnen onyń úı ıesi ekeni anyqtaldy. Órt saǵat 10:50 shamasynda sóndirildi. Órtti sóndirýge jeke quramnyń 7 qyzmetkeri men 2 arnaıy tehnıkasy jumyldyryldy», - dep habarlady oblystyq TJD baspasóz hatshysy Ýálıhan Dosanov.
Qyzyl jalynnyń shyǵý sebepteri anyqtalyp jatyr. Basqa zardap shekkender joq.
