Qostanaıda úsh jumysshy qudyq ishinde kóz jumdy
QOSTANAI. QazAqparat - Qostanaı oblysynda úsh jumysshy qudyq ishinde qaza tapty, dep habarlaıdy QazAqparat.
Bul aqparatty oblystyq eńbek ınspektsııasy basshysynyń orynbasary Baqytjan Makeev rastady. Oqys oqıǵa Altynsarın aýdanynda bolǵan.
«Temirjolsý Qostanaı» JShS úsh jumysshysynyń deneleri qudyq túbinen tabyldy. Olar Qarǵaly stansasyndaǵy sý sorǵysh munaradaǵy qubyrdy jóndeýge shyqqan. Jumys barysynda olar qudyqqa túsýge tıis bolǵan. Kisi óliminiń naqty sebepterin ázirge aıta almaımyz. Marqumdar gazǵa ýlanyp qalýy yqtımal. Naqty sebepter tekserý sharalarynan soń belgili bolady»,- dedi B. Makeev.
Belgili bolǵandaı, olarmen birge qudyqqa túsken tórtinshi jumysshy aýrýhanada jatyr. Qazir onyń jaǵdaıy birqalypty.
Kórneki sýret
