Qostanaıda úsh shaǵyn aýdan boı kóteredi
Halyq qalaýlysy úı qurylysshylarymen kezdesýde Elbasynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýynyń basty basymdyqtaryn talqylady.
«Elbasynyń bıylǵy Joldaýy elimizdiń qazirgi damý jolynan jańylyspaı, qarqyndy isimizdi odan ary jalǵastyrýdy meńzeıdi. Memleket basshysy 2030 jylǵa deıin árbir qazaqstandyqty turǵyn úımen qamtý kórsetkishin 30 sharshy metrge arttyrý mindetin qoıdy. Osy tusta qostanaılyqtar da aıanbaı ter tógýi kerek. Biz birqatar oblys aýdandaryn aralap, ártúrli halyq toptarymen kezdesýler ótkizdik. Ras, óńirde turǵyn úı problemasy bar. Degenmen, bul máseleniń jergilikti atqarýshy organdarmen tez arada sheshilip jatqany qýantady», - deıdi Aronova.
Qostanaı aýdanyna qarasty Zarechnyı kentiniń «Soltústik» yqsham aýdanynda memlekettik baǵdarlama aıasynda 11 kópqabatty úı boı kótergen. Olardyń ınjenerlik ıfraqurylymyna 158 mln teńge baǵyttaldy. Bıyl páter kezeginde turǵandar men áleýmettik jaǵynan az qamtylǵan otbasylar úshin taǵy jeti turǵyn úı paıdalanýǵa beriledi. Al, ótken jyly elimizde birinshi bolyp pılottyq joba boıynsha eldi mekende 68 jeke úıdiń qurylysy bastaldy. 1 sharshy metri 115 myń teńgege baǵalanǵan baspanalarǵa 1 mlrd 200 mln teńge bólindi. Jalpy, 2021 jylǵa deıin Qostanaıda kópqabatty úılerden turatyn jańa úsh shaǵyn aýdan boı kóteredi dep josparlanǵan.
«Eger turǵyn úı qurylysy osy qarqynda jalǵasa beretin bolsa, onda Elbasy tapsyrmasyn ýaqytyly oryndaımyz. Bul deginimiz - ınfraqurylymnyń jarqyn keleshegi. Zaman úrdisine ere otyryp, sapaly ónim alýǵa jáne artyq shyǵynnan qutylýǵa bolady. Bastysy, sapaǵa nazar aýdarylýy tıis. Máselen, myna «Soltústik» shaǵyn aýdanyndaǵy úıler zamanaýı talaptarǵa jaýap beredi. Injenerlik-ınfraqurylym tartylǵan. Jaryq jetkizilgen, gaz tartylyp, jol salynǵan. Qazir bul jerde turýǵa barlyq múmkindik bar», - dedi halyq qalaýlysy.
