Qostanaıda úsh oqýshy ormandy órtep jiberdi
ASTANA. QazAqparat - Altynsarın AІІB 30-dan astam polıtseı Lermontov orman sharýashylyǵynda tutanǵan órtti aýyzdyqtaýǵa járdemdesti jáne órtegen kúdiktilerdi ustady. Olar kámelettik jasqa tolmaǵan úsh oqýshy bolyp shyqty, dep habarlady oblystyń ІІD baspasóz qyzmeti.
Altynsarın AІІD bastyǵy polıtsııa podpolkovnıgi Dýlat Raısovtyń aıtýynsha, ustalǵan Dokýchaevskıı orta mektebiniń toǵyzynshy synybynyń 2 oqýshysy jáne segizinshi synyp oqýshysy ata-analarynyń aldynda sol kúni ormanda sańyraýqulaq qýyrmaqshy bolǵanyn túsindirdi. Otty aıaǵyna deıin sóndirmeı, olar úılerine ketip qalǵan.
«Tilsiz jaý 80 gektardan astam ormandy joıdy, tabıǵatqa, qorshaǵan ortaǵa orny tolmas zııan keltirildi. Qazirgi ýaqytta atalmysh fakti boıynsha QR QK 341-baby 1-bóligi boıynsha sotaldy tergeý júrip jatyr. Qylmys úshin jasóspirimderdiń ata-analary jaýap beredi», - dep atap ótti ol.
