Qostanaıda úsh kólik soqtyǵysty
QOSTANAI. QazAqparat - Qostanaı oblysynda bolǵan iri jol-kólik oqıǵasy týraly ІІD baspasóz qyzmeti málim etti, dep habarlaıdy QazAqparat tilshisi.
17 qazanda «Qostanaı-Rýdnyı» tasjolynda úsh avtokólik soqtyǵysty. «Kamaz» júk kóliginiń júrgizýshisi araqashyqtyqty saqtaı almaı, alda kele jatqan taǵy bir «Kamaz» kóligine soǵylǵan. Sonyń saldarynan aldyńǵy «Kamaz» jol tósemine belgi salyp kele jatqan «Gazel» avtokóligine soǵyldy.
«Jol-kólik oqıǵasynan 57 jastaǵy «Kamaz» avtokóliginiń júrgizýshisi aýyr jaraqat aldy. Oǵan jol erejesin buzǵany úshin ákimshilik hattama toltyryldy. Qalǵan kólikterdiń júrgizýshileri túrli dene jaraqattarymen aýrýhanaǵa jetkizildi» - delingen ІІD baspasóz qyzmeti habarlamasynda.
