Qostanaıda ÝAZ kóligi KamAZ-ben soqtyǵysyp, júrgizýshi qaza tapty
QOSTANAI. QazAqparat - Qostanaı oblysynda tasjolda ÝAZ ben KamAZ soqtyǵysyp, er adam qaza tapty, dep habarlaıdy QazAqparat.
Jol apatynyń bolǵanyn Qostanaı oblystyq polıtsııa departamenti baspasóz qyzmetiniń jetekshisi Irına Bejenar rastap, pikir bildirdi.
«Jol-kólik oqıǵasy saldarynan ÝAZ kóliginiń júrgizýshisi oqıǵa ornynda kóz jumdy. Ekinshi er adam túrli jaraqat aldy. KamAZ júrgizýshisi zardap shekken joq. Tergeý júrip jatyr, oqıǵanyń mán-jaıy anyqtalýda», - dep habarlady I. Bejenar.
Qatty soqqydan ÝAZ-dyń aldyńǵy bóligi qırasa, KAMAZ jyraǵa túsip ketken.
