Qostanaıda tutqynǵa elektr sháıneginiń tutqasyna jasyryp gashısh ótkizbek bolǵan
ASTANA. QazAqparat - Qostanaıda ÝK-161/2 mekemesiniń qyzmetkerleri elektr sháıneginiń tutqasynan gashısh taýyp aldy, dep habarlaıdy QazAqparat tilshisi Qostanaı oblystyq QAJ departamentine silteme jasap.
«Tyıym salynǵan zattardyń 90% rejimdik nysanǵa ótkizilmeıtinine qaramastan, olardy túrli aıla-ádispen jetkizý áreketteri áli azaımaı keledi. Sońǵy mysal da sózimizge dálel, - dep atap ótti Qostanaı oblysy boıynsha QAJ departamenti bóliminiń basshysy Álimjan Ydyrysov. - Sálemdemeni tekserý barysynda ÝK-161/2 mekemesiniń qyzmetkerleri áıel zorlaǵany úshin 12 jyldyq jazasyn ótep jatqan tutqynǵa jiberilgen elektr sháıneginiń tutqasyna nazar aýdarǵan». Ydyrysovtyń aıtýynsha, elektr sháıneginiń tutqasynda qoıý jasyl tústi qatty zat jabystyrylǵan. «Sot-ekspertızalyq saraptama alynǵan zattyń jeti gramdyq gashısh ekenin anyqtady. Fakt boıynsha sotqa deıingi tergeý jumystary bastaldy», - dep tolyqtyrdy ol.
