Qostanaıda tutqyn esigi durys jabylmaǵan polıtsııa kóliginen túsip, qashyp ketken
Oblystyq polıtsııa departamentiniń baspasóz qyzmeti áleýmettik jelide taraǵan vıdeoǵa qatysty pikir bildirdi. Beınejazbada er adamnyń patrýl kóliginiń artqy esiginiń shyǵyp ketkeni kórinedi.
«Bul oqıǵa 2020 jylǵy 19 qyrkúıekte Karbyshev jáne Jaýynger-ınternatsıonalıster kósheleriniń qıylysynda bolǵan. Patrýl polıtsııa qyzmetkerleri usaq buzaqylyq úshin ustalǵan er adamdy medıtsınalyq aıyqtyrǵyshqa alyp kele jatqan. Patrýl mashınasy toqtaǵan kezde, tártip buzýshy kólikten shyǵyp ketken. Alaıda, ol birden ustalyp, medıtsınalyq aıyqtyrǵyshqa jetkizildi» delingen polıtsııa aqparatynda.
Atalǵan fakti boıynsha jergilikti polıtsııa qyzmeti qyzmettik tergeý júrgizdi. Patrýl kóliginiń esigin durys jappaǵan polıtseıler tártiptik jaýapqa tartyldy.
