Qostanaıda turǵyndardyń shaǵymyn qabyldaıtyn qyzmet iske qosyldy
Atalmysh qyzmet alańynyń mindeti – Qostanaı qalasynyń abattandyrý jáne qaýipsizdik máselelerine jedel den qoıý jáne ótinishterdi qabyldaý. Aıta keteıik, 2019 jyly qalada kommýnaldyq saladaǵy shaǵymdar 109 biryńǵaı nómiri arqyly qabyldanatyn.
«Budan bólek «Feısbýk» jáne «Telegramm» chat-bottary boıynsha ótinishterdi qabyldaý uıymdastyrylǵan. Azamattarǵa yńǵaıly bolý úshin biz taǵy bir tsıfrlyq qural Aitu.Sity. onlaın platformasyn iske qostyq. Bul servıs arqyly turǵyndar qalany jaqsartýǵa baılanysty ótinishter nemese usynystaryn jetkize alady. Nátıjesinde qala ómirin jaqsarta alatyn ıdeıalar pýly qalyptastyrylady», - dep túsindirdi Qostanaı oblysy ákimdiginiń aqparattandyrý, memlekettik qyzmetter kórsetý jáne arhıvter basqarmasynyń basshysy Azamat Kashıev.
Endi kóshelerdegi ashyq lıýkter, jetkiliksiz jaryqtandyrý, aýlalardaǵy qoqystyń shashylýy syndy máseleler Aitu.City qyzmeti arqyly qabyldanady. Turǵyndardyń aryz-shaǵymy tikeleı ákimdikke túsedi. Ótinim berý úshin Aitu.City veb-saıtyna kirip, sıpattamany toltyryp, kartada meken-jaıdy kórsetý kerek, sonymen qatar máseleni ashyq kórsetetin fotosýretterdi de tirkeý qajet.
Bul servıs qazirdiń ózinde Nur-Sultan jáne Qaraǵandy qalalarynda belsendi jumys isteıdi. Ázirleýshilerdiń aıtýynsha, jaqyn arada bul qyzmet Qazaqstannyń barlyq qalasynda iske qosylmaq.
