Qostanaıda turǵyn úılerge jylý berildi

QOSTANAI. QazAqparat - 5 qazannan bastap Qostanaı qalasyndaǵy turǵyn úılerdi jylytý júıesine qosý jumystary júrgizilýde, dep habarlaıdy QazAqparat Qostanaı jylý-energetıkalyq kompanııasynyń (QJEK)  baspasóz qyzmetine silteme jasap.

QJEK baspasóz hatshysy Saltanat Qasenova aıtqandaı, buǵan deıin qaladaǵy 133 áleýmettik nysannyń (mektepter, balabaqshalar, medıtsınalyq mekemeler jáne t.b.) 62-ne jylý berildi.

«Qostanaı qalasynyń ákimi Bazyl Jaqypov barlyq PITK men kommýnalshylarǵa jylytý maýsymyna daıyndalýdy tapsyrǵan bolatyn. Ásirese, kópqabatty úılerdi qalalyq jylytý júıesine durys qosylýyn jiti qadaǵalaý kerektigi aıtylǵan. Qazir tehnıkalyq pasporty daıyn 779 turǵyn úıge jylý beriledi. Qalǵan úıler josparly túrde qosylady», - dedi S.Qasenova.

Rýdnyıda qalasynda da jylytý maýsymy bastaldy. Josparlanǵandaı, apta basynda medıtsınalyq mekemeler, bilim berý uıymdary men mádenıet oshaqtaryna jylý berile bastady. Qalalyq jylý-elektr ortalyǵynyń dırektory Oleg Ábilqaıyrovtyń aıtýynsha, juma kúni qala men Qashar kentiniń turǵyn úıleri de jylytý júıesine qosylmaq.