Qostanaıda turǵyn úı tolyǵymen órtenip ketti
QOSTANAI. QazAqparat - Qostanaı qalasyndaǵy Vveden kóshesindegi úılerdiń biri tolyqtaı janyp ketti, dep habarlaıdy QazAqparat.
Oblys ortalyǵyndaǵy úıdiń órtegeni týraly Natalıa Bogdan esimdi qala turǵyny habarlady. Oqys oqıǵa 13 qańtar kúni bolǵan. Qostanaı oblysy TJD baspasóz qyzmetiniń mamany Merýert Balǵınanyń aıtýynsha, jeke turǵyn úı tolyqtaı janyp ketken.
«Vveden kóshesindegi úıdiń órtenip jatqany týraly aqparat 06:21-de kelip tústi. Órt ornyna jeke quramnyń 11 qyzmetkeri men eki arnaıy tehnıka jumyldyryldy. Qyzyl jalyn 60 sharshy metr aýmaqty oraǵan. Eki gaz ballony oqshaýlandy. Zardap shekkender joq», - dedi Balǵına.
Qazirgi ýaqytta órttiń shyǵý sebepteri anyqtalyp jatyr.
