Qostanaıda turǵyn úı qurylysyna 9,3 mlrd teńge bólindi
QOSTANAI. QazAqparat – Qostanaı oblysynda «Nurly jer» turǵyn úı qurylysy baǵdarlamasy sheńberinde 330 myń sharshy metr turǵyn úı paıdalanýǵa berildi. Bul týraly oblys ákimi Arhımed Muhambetov «Instagram» paraqshasynda jazdy, dep habarlaıdy QazAqparat.
2019 jyly Qostanaı oblysynda jalǵa beriletin jáne kredıttik turǵyn úı qurylysyna 9,3 mlrd teńge bólindi. Bul ótken jyldyń deńgeıinen 10%-ǵa joǵary.
«Baǵaly qaǵazdardy shyǵarý kólemi boıynsha oblysymyz kóshbasshylardyń úshtiginde turǵanyn atap ótkim keledi. 2017-2019 jyldary Qostanaı oblysynyń ákimdigi 22,0 mlrd teńgege oblıgatsııalar shyǵardy. «Báıterek Development» AQ osy baǵaly qaǵazdar satyp alyp, bólingen aqshaǵa turǵyn úıler salyndy», - dep jazdy óńir basshysy.
Oblys ákiminiń baspasóz hatshysy Saıat Júsipovtiń sózine sensek, qazirgi ýaqytta Qostanaıdaǵy «Áýejaı», «ıÝbıleınyı» jáne «Bereke» jańa shaǵyn aýdandary belsendi túrde salynyp jatyr. Al osy jyly «Qonaı» shaǵyn aýdanyn ıgerý josparlanýda.
«Halyqtyń áleýmettik osal toptary úshin jalǵa beriletin turǵyn úı qoryn qurý maqsatynda 2019 jyly 8 obektini iske asyrýǵa 3,1 mlrd teńge bólindi. Qostanaı aýdanynyń Zarechnyı aýylyndaǵy «Severnyı» shaǵyn aýdanynyń qurylysy aıaqtalyp keledi. 37 gektar alqapqa biryńǵaı sáýlettik stılde 279 jeke turǵyn úı salyndy. Byltyrǵy jyldyń basynan beri oblysta 658 páter berildi, bul respýblıka boıynsha 4-oryn. Nátıjesinde halyqtyń turǵyn úımen qamtamasyz etilýi 21,8%-ǵa jetti», - deıdi Saıat Júsipov.
