Qostanaıda tuńǵysh ret respýblıkalyq kúıshiler baıqaýy ótti
QOSTANAI. QazAqparat - Qostanaı oblysynda kúıshiler arasyndaǵy baıqaý tuńǵysh ret uıymdastyrylyp otyr. Dombyrashylar dodasyna elimizdiń 14 óńirinen 24 ónerpaz qatysty, dep habarlaıdy QazAqparat tilshisi.
Tól ónerimizdi tórge ozdyraǵan tulǵalardyń biri - Saǵyn Jalmyshev atyndaǵy 1-shi respýblıkalyq dombyrashylar baıqaýynyń Qostanaı óńirinde ótkizilýiniń ózindik sebebi bar.
«Saǵyn Jalmyshev qazaq kúı óneriniń damýyna aıtarlyqaı úles qosty. Ol əskerı salada ǵana emes, ulttyq ónerdi nasıhattaýda birqatar nátıjeli jumys atqardy. Sol sebepti, arda tulǵany ulyqtaý maqsatynda osyndaı baıqaý uıymdastyryp otyrmyz», - dedi oblystyq mədenıet basqarmasynyń basshysy Erlan Qalmaqov.
Kúıshiler konkýrsynda Aıgúl Úlkenbaeva, Nazymbek Moldahmetov syndy óner maıtalmandary qazylyq etti. Elimizdiń ər túkpirinen kelgen kúıshilerdiń arasynda osaly joq. Ekinshi kezeńge 15 qatysýshy joldama alyp, myqtyny anyqtady.
Sonymen, dombyrashylar saıysynda arqalyqtyq Danııar Rysbekovtiń baǵy jandy.
«Mundaı baıqaýdyń bizdiń elde, ásirese, shet oblys Qostanaı jerinde júzege asýy asa mańyzdy. Bul - bizdiń rýhanı jańǵyrýymyzdyń bir kórinisi. Halyq jadymen jetken jaýharlarymyz jastardyń jadyna qonady. Osy arqyly ulttyq kodymyz odan saıyn nyǵaıa túsedi», - deıdi dombyrashy.
