Qostanaıda tuńǵysh ret McDonald's ashyldy
QOSTANAI. QazAqparat - Búgin Qostanaıda birinshi ret McDonald's tez ázirlenetin taǵamdar meıramhanasy ashyldy, dep habarlaıdy QazAqparat tilshisi.
Bul jobanyń avtory - "McDonald's" Qazaqstandaǵy franshızasynyń ıesi Qaırat Boranbaev. Ashylý rásiminde sóılegen sózinde Qostanaı oblysynyń ákimi Arhımed Muhambetov jańa meıramhananyń arqasynda 100 jańa jumys ornynyń ashylǵandyǵyn atap ótti.
"Bıyl "Týǵan jer" jobasy aıasynda birneshe irgeli jobalardy qolǵa aldyq. Oblys ortalyǵyndaǵy osynaý meıramhananyń ashylýy turǵyndarymyz úshin qýanyshty jańalyq. Ózimizdiń jerlesimiz, belgili metsenat Qaırat Boranbaevqa óz atymnan alǵys bildiremin. Ol kisiniń sport salasyna da qosqan úlesi mol. Arqalyq jəne Qostanaı qalalarynda eki úlken sport keshenin iske qosty. Budan bólek, halyqqa Ənýar Boranbaev atyndaǵy kınoteatrdy da usyndy", - dep atap ótti oblys əkimi.
Qoǵamdyq tamaqtaný ornynda McDrive júıesi arqyly jyldam tapsyrys berýge múmkindik bar.
Belgili fýtbolshy Nurbol Jumasqalıev te óz qýanyshyn jasyrmady.
«Bul álemgi belgili brendtiń qalamyzǵa kelgenine rızamyz. Bul sózsiz, bizdiń qalamyzdyń bedelin arttyra túsedi», - deıdi fýtbolshy.
Jalpy joba quny - 780 mln teńge. Restoran 86 adamǵa shaqtalǵan. Jazǵy alańyna 24 oryn bar. Avtoturaqqa bir mezette 10 kólik toqtaı alady.
