Qostanaıda tuńǵysh ret kartop jınaıtyn kombaın shyǵarylady
QOSTANAI. QazAqparat - Bıyl «AgromashHoldıng» AQ bazasynda kartop jınaıtyn kombaındar shyǵarý jumystary bastalady, dep habarlaıdy QazAqparat.
«AgromashHoldıng» AQ ataqty «Gomselmash» kompanııasynyń úlgisindegi eki kombaın túrin shyǵarady. Olar: PKK-2-05 «PALESSE RT25» jáne KPB-260-2 «PALESSE RT260-2». Jabdyqtar Belarýs Respýblıkasynan ákelinedi.
«Atalǵan eki kombaın bir-birine uqsas. Aıyrmashylyǵy tutynylatyn qýaty men ónimdiliginde ǵana. Ekeýi de bir mezgilde birneshe jumysty atqara alady. Máselen, RT25 kartop jınap júrip, topyraqty tegistep otyrady. Bul kombaın saǵatyna 1 ga aýmaqtan kartop jınaı alady.Al RT260-2 kombaınynda arnaıy tirkeme bar. Ol túınekterdiń búlinbeýine kómektesedi», - deıdi kompanııa qyzmetkeri Gúlnar Nurtazına.
Qazirgi ýaqytta jabdyqtardy tasymaldaý máselesi talqylanyp jatyr.
Kompanııa ókilderiniń sózinshe, kombaın quny qazaqstandyq sharýalar úshin qoljetimdi bolmaq.
