Qostanaıda tuńǵysh ret FIFA festıvali ótedi
QOSTANAI. QazAqparat - Halyqaralyq fýtbol uıymdary qaýymdastyǵy (FIFA) alǵashqy ret Qostanaıda fýtbol festıvalin ótkizedi, dep habarlaıdy QazAqparat tilshisi.
«LiveYourGoals» dep atalatyn týrnır15 qarasha kúni bastalady. Qazaqstanda birinshi ret FIFA aıasyndaǵy osyndaı shara 2015 jyly Shymkentte uıymdastyrylǵan.
Bıyl bul jarysqa 10-14 jas aralyǵyndaǵy qyzdar qatysady. Barlyq qatysýshylarǵa arnaıy jeıdeler men doptar tapsyrylady.
«Eń bastysy, qostanaılyq oqýshy qyzdar úlken fýtbolǵa alǵashqy qadamyn jasaıdy. Tanymal fýtbol qaýymdastyǵy bul týrnırdi 2011 jyldan bastap álemniń túkpir-túkpirinde uıymdastyryp keledi. Bıyl Qostanaıda balalar men jasóspirimderge arnalǵan sport mektebi bazasynda ótedi», - dedi Qostanaı oblystyq fýtbol odaǵynyń basshysy Bolat Ysqaqov.
