Qostanaıda túngi klýb órtenip jatyr
QOSTANAI. QazAqparat - Qostanaıdaǵy tanymal kóńil-kóterý kesheni «Vest» órtenip ketti, dep habaralaıdy QazAqparat.
Qostanaı oblysynyń Tótenshe jaǵdaılar departamenti ókilderi órttiń neden órbigenin keıin habarlaıtyndyǵyn málimdedi. Aldyn ala boljam boıynsha, órt qaýipsizdigin saqtamaǵannan bolyp otyr.
Órt sóndirý kezinde bir qyzmetker jaralanǵan. Qostanaı qalasynyń ákimi Bazyl Jaqypov ta oqıǵa ornyna kelip, turǵyndardy sabyrǵa shaqyrdy. Túngi klýb qasyndaǵy úılerge zalal kelgen joq. 6 órt sóndirý tehnıkasy jumyldyrylǵan.
Kýágerlerdiń aıtýynsha, órt shamamen saǵat 8-de shyqqan. Órttiń joǵarǵy qabattan bastalǵany anyqtaldy.
«Vest» mańyndaǵy jáne úlken kópirge shyǵatyn joldar ýaqytsha jabyldy.
