Qostanaıda týǵan boıjetken «Germanııa arýy» ataǵyn jeńip aldy
ASTANA. 23 maýsym. QazAqparat - Qostanaı qalasynda týyp ósken Elena Shmıdt "Germanııa arýy-2013" baıqaýynyń bas júldesin ıemdendi.
Bul jaıynda Tengrinews.kz habarlaıdy.
Baıqaýdyń jeńimpazyna 20 myń eýro turatyn jarnamalyq kontrakt tabys etildi. Endi jerlesimiz Germanııa atynan "Eýropa arýy-2013" jáne "Álem arýy-2013" halyqaralyq baıqaýlarynda synǵa túspek.
Elena Shmıdtiń jastyq shaǵy Qostanaı óńirinde ótti. Qazir birneshe jyldan beri Germanııada turyp jatyr. 2003 jyly "Qostanaı arýy" atanǵan ol 2005 jyly Miss Model of Kazakhstan baıqaýynda top jardy.
Elena Almatydaǵy "Mıras" mektebinde bilim alǵan. Sulýlyǵy aqylyna saı. Mektep jyldarynda hımııa jáne matematıka pánderinen iri olımpıadalarǵa qatysyp, jeńimpaz atanǵan. Keıin ol ál-Farabı atyndaǵy Qazaq Ulttyq ýnıversıtetine túsip, eki jyldan keıin Germanııaǵa kóship ketti. Maındaǵy Frankfýrt qalasyndaǵy kolledjdi úzdik támamdap, nemis ýnıversıtetteriniń birinde qazir alǵan bilimin jetildirip jatyr, dep jazady Baq.kz.
